លោក សម រង្ស៊ី រំពឹងថានឹងឈ្នះឆ្នោតក្រោយមានដីកាកោះហៅបន្តបន្ទាប់
ដោយ ម៉ម មុនីរតន៍
rfa 2015-11-21
 |
លោក សម រង្ស៊ី ប្រធានគណបក្សសង្គ្រោះជាតិ ក្នុងបន្ទប់ផ្សាយរបស់វិទ្យុអាស៊ីសេរី នៅថ្ងៃទី១៤ ខែឧសភា ឆ្នាំ២០១៥។ RFA/Taing Sarada |
គណបក្សសង្គ្រោះជាតិ នៅតែមានជំនឿមុតមាំ យកឈ្នះការបោះឆ្នោតលើគណបក្សកាន់អំណាចក្នុងរយៈពេលជាង ២ឆ្នាំខាងមុខទៀតនេះ បើទោះខ្លួនកំពុងធ្វើដំណើរលើផ្លូវដ៏ពិបាកបន្តទៀតក្ដី។
ទន្ទឹមនឹងនេះ មេដឹកនាំគណបក្សប្រឆាំងក៏បានអំពាវនាវឲ្យអ្នកគាំទ្ររបស់ខ្លួនត្រូវបន្តអត់ធ្មត់ និងជឿជាក់ចំពោះគោលនយោបាយរបស់ខ្លួន។ ដោយឡែក មន្ត្រីជាន់ខ្ពស់គណបក្សប្រជាជនកម្ពុជា វិញ យល់ឃើញថា គណបក្សដែលកំពុងគ្រប់គ្រងអំណាច គឺធ្វើការដោយមិនមានភាពរវើរវាយ ឬចេះតែស្មានៗ ចំពោះលទ្ធផលដែលមិនទាន់ទាំងបានមកដល់ផង ដូចគណបក្សប្រឆាំងឡើយ។
ការបោះឆ្នោតសកលដើម្បីជ្រើសតាំងតំណាងរាស្ត្រនៅសល់ប្រមាណ ៣ឆ្នាំខាងមុខទៀត ក៏ប៉ុន្តែគណបក្សប្រឆាំងបង្ហាញជំនឿនៅពេលនេះថា គណបក្សជំទាស់ដែលជាដៃគូប្រយុទ្ធដ៏ខ្លាំងជាមួយគណបក្សប្រជាជនកម្ពុជា នឹងដណ្ដើមការបោះឆ្នោតឲ្យបាននៅឆ្នាំ២០១៨។
ថ្លែងសារនយោបាយពីទីក្រុងម៉ានីល (Manila) ប្រទេសហ្វីលីពីន (Philippines) មេដឹកនាំគណបក្សសង្គ្រោះជាតិ បានអះអាងថា ការបោះឆ្នោតក្រុមប្រឹក្សាឃុំសង្កាត់ និងបោះឆ្នោតជាតិ ខាងមុខទៀតនេះ គឺគណបក្សជំទាស់អាចមានលទ្ធភាពគ្រប់គ្រាន់ក្នុងការដណ្ដើមយកប្រជាប្រិយភាព និងសន្លឹកឆ្នោតពីអ្នកគាំទ្រ ហើយអាចឈានទៅដឹកនាំប្រទេសវិញម្ដង។
លោក សម រង្ស៊ី ប្រធានគណបក្សប្រឆាំងឲ្យដឹងតាមរយៈបណ្ដាញសង្គមហ្វេសប៊ុក (Facebook) របស់លោកនៅថ្ងៃទី២១ ខែវិច្ឆិកា ថា គណបក្សសង្គ្រោះជាតិ នៅតែអាចធ្វើដំណើរទៅមុខទៀតដោយងាយ ជាពិសេសរឹតតែធ្វើឲ្យគោលនយោបាយបក្សមានភាពរឹងមាំជាងមុន ហើយបានជំរុញឲ្យបក្សប្រឆាំងអាចមានលទ្ធភាពរកយុទ្ធសាស្ត្រថ្មីទៀតសម្រាប់ការប្រយុទ្ធបន្តក្នុងក្របខ័ណ្ឌប្រជាធិបតេយ្យដោយយុត្តិធម៌៖ «យើងសម្រេចក្នុងចិត្តរបស់យើងថា យើងនឹងដឹកនាំគណបក្សសង្គ្រោះជាតិ ជាមួយគ្នាឆ្ពោះទៅរកជ័យជំនះ ដើម្បីនាំមកនូវការផ្លាស់ប្ដូរ ដូចដែលប្រជារាស្ត្រខ្មែរចង់បាន»។
វីដេអូឃ្លិបជិត ៤នាទីដែលលោក សម រង្ស៊ី បានបង្ហោះនៅលើទំព័រហ្វេសប៊ុក របស់ខ្លួន នៅថ្ងៃទី២១ ខែវិច្ឆិកា គឺពុំបានលើកឡើងពីគម្រោងនៃការវិលត្រឡប់ចូលមកកម្ពុជា វិញទេ បើទោះជាមានដីកាថ្មីមួយពីតុលាការឲ្យចូលខ្លួនបន្ថែមពីលើដីកាតាមចាប់ខ្លួនលោកហើយក្តី។ ដីកាតាមចាប់ខ្លួនមេបក្សប្រឆាំងក្រោមបទចោទបរិហារកេរ្តិ៍លើលោក ហោ ណាំហុង ដែលចេញដោយព្រះរាជអាជ្ញារងលោក ស៊ឺ វណ្ណនី កាលពីថ្ងៃទី១៣ វិច្ឆិកា។ ភាពតានតឹងផ្នែកនយោបាយ មិនទាន់ទាំងចុះកម្តៅទៅវិញនៅឡើយផង រយៈពេល ៨ថ្ងៃក្រោយពោល គឺកាលពីថ្ងៃទី២០ ខែវិច្ឆិកា ស្រាប់តែមានដីកាថ្មីបន្ថែមមួយទៀត ដែលចេញដោយចៅក្រមស៊ើបសួរនៃតុលាការក្រុងភ្នំពេញ របស់លោក កោ វណ្ឌី។ ដីកាបង្គាប់ឲ្យលោក សម រង្ស៊ី ចូលខ្លួនជាថ្មីទៀតនេះ ដែលនឹងត្រូវអនុវត្តនៅថ្ងៃទី៤ ធ្នូ គឺពាក់ព័ន្ធនឹងបទចោទសមគំនិត ក្លែងឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។
លោក ឈឹម ផលវរុណ មន្ត្រីនាំពាក្យគណបក្សប្រជាជនកម្ពុជា បដិសេធក្នុងការអធិប្បាយជុំវិញជំហរគណបក្សជំទាស់នៅពេលនេះ ក៏ប៉ុន្តែលោកអះអាងថា អ្វីដែលគណបក្សគ្រប់គ្រងរដ្ឋាភិបាលអនុវត្ត គឺពុំមែនចេះតែស្រមើស្រមៃ ឬយល់សប្ដិឃើញទេ។ បន្ថែមពីលើនេះទៀត គណបក្សកាន់អំណាចធ្វើដោយផ្អែកលើគោលការណ៍ត្រឹមត្រូវ និងមានទស្សនវិស័យជាក់លាក់របស់ខ្លួន៖ «សម្រាប់គណបក្សប្រជាជនកម្ពុជា គឺយើងធ្វើនយោបាយមិនផ្អែកទៅលើការទស្សន៍ទាយទេ គឺយើងផ្អែកទៅលើកិច្ចខិតខំប្រឹងប្រែងក្នុងការការពារសន្តិភាព និងសន្តិសុខជាតិ ស្ថិរភាពដែលជាមូលដ្ឋានសម្រាប់ប្រជាធិបតេយ្យ និងការអភិវឌ្ឍជាតិ»។
ភាពចម្រូងចម្រាសផ្នែកនយោបាយនេះ ត្រូវបានអ្នកវិភាគយល់ឃើញថា នឹងធ្វើឲ្យកម្ពុជា កាន់តែត្រូវប្រឈមនឹងការតានតឹងផ្នែកនយោបាយកាន់តែធ្ងន់ធ្ងរបន្ថែមទៀត។
ដោយឡែកលោក កែម ឡី អ្នកស្រាវជ្រាវការអភិវឌ្ឍន៍សង្គម យល់ឃើញថា ការវិលចូលប្រទេសវិញ គឺមេបក្សជំទាស់នៅតែអាចមកបាន ក៏ប៉ុន្តែវិលចូលដោយការសម្របសម្រួលផ្នែកនយោបាយណាមួយនោះ នឹងមិនធ្វើឲ្យកម្ពុជា ចំណេញអ្វីឡើយ ដោយសារកម្ពុជា ធ្លាប់មានពិសោធន៍រួចមកហើយ៖ «កន្លងមកយើងបាត់បង់ប្រយោជន៍ជាតិ រឿងទាក់ទងនឹង ២ ភាគ ៣ មក ៥០ភាគរយបូក១ អ៊ីចឹងនេះរឿងមួយ។ រឿងទីពីរ ប្រសិនបើគាត់ហ៊ានប្រឈមមកឲ្យជាប់គុកជាប់ច្រវាក់ទៅ គឺខ្ញុំគិតថា មានដំណោះស្រាយលឿនជាង ល្អជាង ហើយមិនចាំបាច់ដោះដូរនឹងប្រយោជន៍ជាតិទេ»។
ជុំវិញការវិលចូលប្រទេសរបស់លោក សម រង្ស៊ី វិញនេះ លោក អេង ឆៃអ៊ាង ធ្លាប់បញ្ជាក់ថា ក្នុងកាលៈទេសៈនេះ ការវិលចូលស្រុកវិញ វាពុំមែនជាជម្រើសល្អឡើយ។ មិនតែប៉ុណ្ណោះ គឺខាងគណបក្សត្រូវសិក្សា និងសម្របសម្រួលផ្នែកនយោបាយជាមុនសិន មុននឹងត្រូវសម្រេចថា ត្រូវធ្វើបែបណាបន្តទៀត៕
2 comments:
សង្ឃឹម ច្រើនពេកដឺង ចុះបើ ហ៊ុន សែន មិនឲ្យ សង្រ្គោះជាតិ ឈរឈ្មោះ តើវាឈ្នះម្តេចទៅ ? តែអ្នកស្រែ តែងសង្ឃឹមទឹកភ្លៀង អញ្ចឹងហើយ ហើយអ្នកស្រែមានតែធ្វើស្រែតទៅទៀត ឈប់ម្តេចកើត មើលលោក ម៉ាន់ ដាលា ទោះជាគាត់ជាប់គុក ក៍គាត់មិនឈប់ឯណា ដូច្នេះមានតែតស៊ូតទៅទៀត តែមើចូលទៅវិញម្តងនេះ មើលទៅស្តេចដែលមានឈាម កាត់យួនច្បាស់ជាគ្មានលើងលែងទោស ឲ្យ ទៀតទេ ហើយឃើញទេ គេថានឺងដាក់គុក គ្មានថ្ងៃចេញទេ មើលចុះ មាច ចាន់ ដារា ដូចគ្មានថ្ងៃចេញទេ បើចេញមកវិញ ប្រហែលរាប់ ក ខ លែងត្រូវហើយដឺង កុំជោរ គុកយួនណា តិចថាអាឡប់នេះចេះតែថា មិនកំឡាចទេ គឺពិត យួនចង់ដាក់ថ្នាំអីក៍បាន គ្មានអ្នកណាដឺងទេ សុំសួរថាតើការពារខ្លួនឯងបានទេ?តែបើសុខចិត្តស្លាប់ហើយ គឺវាស្រួលទេ
Perspective:
STEPS TO LIBERATE CAMBODIA FROM THE EVIL VIETNAM
Khmer people would like to know how many thousands of Khmer people did Hun Sen kill in order to gain trust from the evil Vietnam and put him in power to replace Pen Sovann ? What did Hun Sen promise to give in to Yuon in order to stay in power ?
If the evil Vietnam lost many of its soldiers during its invasion of Cambodia in 1979 to conquer Cambodia, it is impossible for Khmer people to liberate Cambodia from this evil Vietnam without losing any life.
Here are the steps to free Cambodia from this evil Vietnam and its puppet Hun Sen:
1- Stay united with the CNRP and help the CNRP to OFFICIALLY win this 2018
election.
2- It is highly likely that the Yuon slave party CPP and Hun Sen will not
transfer the power to the CNRP.
3- Then this is the RIGHT MOMENT that Khmer people need to sacrifice their
life by mounting a nationwide peaceful demonstration to force Hun Sen to
abide by the result of the election.
4- The CNRP's leaders need to make correction on this issue by refusing to
make any concessions to the Yuon slave Hun Sen . NO MORE MISTAKE ON THIS
MATTER.
4- If Hun Sen crushed the demonstrators who demanded him to respect the
people's wills (respect the result of the election) and the dead reached
THOUSANDS, the international Community especially the signatory
countries of the 1991 Paris Accord will have no choice but to intervene
and strictly implement such accord.
5- Without the International Community's intervention, the evil Vietnam
will never relieve its grip over Cambodia.
Finally, to successfully save Cambodia from the evil Vietnam and its slave Hun Sen, Khmer people must exert their best efforts to stay united with the CNRP and help the CNRP to officially win this next election first. The OFFICIAL WIN of the election is a solid base for Khmer people to use to dislodge Yuon's dominance over Cambodia and Hun Sen.
Bun Thoeun
Post a Comment