(ចុះផ្សាយនៅថ្ងៃ 15-07-2015, 8:39 pm) | ដោយ : រឿន ភារុន
ភ្នំពេញ៖ លោក ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានថ្លែងសរសើរអភិបាលខេត្តស្វាយរៀង លោក ជៀង អំ និងអភិបាលខេត្តកណ្តាល លោក ម៉ៅ ភិរុន ថា បានអន្តរាគមន៍ និងចុះដោះស្រាយបញ្ហាតាម ព្រំដែនប្រទេសកម្ពុជា និងវៀតណាមទាន់ពេលវេលាកន្លងមក។ លោកថ្លែងបែបនេះ ក្នុងកិច្ចប្រជុំស្តីពីបច្ចុប្បន្នភាព ការកំណត់បោះបង្គោលខណ្ឌសីមារវាងប្រទេសកម្ពុជា និងវៀតណាម កាលពីថ្ងៃទី១៤ ខែកក្កដា។
សំឡេង លោក ស ខេង៖ Listen to audio here.
លោក ស ខេង បានកោតសរសើរអភិបាលខេត្តស្វាយរៀង លោក ជៀង អំ ចំពោះការជួយអន្តរាគមន៍នាំខ្លួនប្រជាជនម្នាក់ ដែលត្រូវអាជ្ញាធរវៀតណាមចាប់ខ្លួនកន្លងទៅ។ កាលពីថ្ងៃទី៥ ខែកក្កដា កន្លងទៅ អាជ្ញាធរខេត្តឡុងអាន (Long An) ប្រទេសវៀតណាម ដែលមានព្រំដែនជាប់ខេត្តស្វាយរៀង បានបញ្ជូនប្រធានមជ្ឈមណ្ឌលអន្តរជាតិជប៉ុនដើម្បីសិទ្ធិកុមារ ស៊ី រ៉ៃត៍ (C Rights) លោក ផែន ប៊ុនធឿន មកកម្ពុជាវិញ បន្ទាប់ពីការធ្វើអន្តរាគមន៍ពីភាគីកម្ពុជា។
លោក ស ខេង ចាត់សកម្មភាពអន្តរាគមន៍នេះថា៖«ជាពិសោធន៍ល្អមួយ សម្រាប់អាជ្ញាធរខេត្តដទៃ»។ ទន្ទឹមគ្នានេះដែរ លោកក៏បានកោតសរសើរអភិបាល ខេត្តកណ្តាល លោក ម៉ៅ ភិរុណ ចំពោះការចុះអន្តរាគមន៍ផ្ទាល់ ទាន់ពេលវេលា នៅពេល មានហេតុការណ៍កើតឡើងតាមព្រំដែនកម្ពុជា និងវៀតណាមកន្លងដែរ។ លោកថា កន្លងមក អភិបាលខេត្តកណ្តាល លោក ម៉ៅ ភិរុណ បានចុះអន្តរាគមន៍ទាន់ពេលវេលា ពោលគឺ មុនពេលដែលភាគីគណបក្សជំទាស់ទៅដល់ទីតាំងកើតហេតុ។
លោក ស ខេង បញ្ជាក់ថា អាជ្ញាធរនៅតាមព្រំដែន គួរតែបន្តអប់រំប្រជាជានដែលកំពុងរស់នៅតំបន់នោះរក្សាភាពស្ងប់ស្ងាត់ និងមានការយោគយល់គ្នាដោយអះអាងថា ភាគីទាំងពីរកំពុងដោះស្រាយលើបញ្ហានេះ។ ជាងនេះទៀត លោកក៏ជំរុញឲ្យអាជ្ញាធរមូលដ្ឋាន និងកងកម្លាំងមានសមត្ថកិច្ចនៅតាមព្រំដែនត្រូវស្គាល់ខ្សែបន្ទាត់ ព្រំដែនខ្លួនឯងឲ្យបានច្បាស់លាស់។
ក្នុងករណីមានបញ្ហាកើតឡើងភ្លាមនោះ លោក ស ខេង បានប្រាប់ឲ្យកងកម្លាំងព្រំដែន ទាក់ទងទៅភាគីវៀតណាមជាបន្ទាន់ ដើម្បីបញ្ឈប់សកម្មភាពរួច កម្លាំងសមត្ថកិច្ចការពារ ព្រំដែនត្រូវធ្វើរបាយការណ៍ចម្លងឲ្យអាជ្ញាធរពាក់ព័ន្ធនានា។ ហើយថា អាជ្ញាធរថ្នាក់ខេត្តត្រូវ ទាក់ទងអាជ្ញាធរវៀតណាម និងត្រូវចុះត្រួតពិនិត្យផ្ទាល់ជាបន្ទាន់ ដើម្បីធ្វើរបាយការណ៍ឲ្យថ្នាក់ ជាតិ និងដោះស្រាយជាមួយភាគីម្ខាងទៀតទាន់ពេលវេលា៕
1 comment:
Dear Khmer and foreign readers:
Drgunzet is a Vietnamese/Yuon spammer or troller based in Boise, Idaho.
This Yuon/Vietnamese troublemaker have created messes and messed up with everyone on the internet forum.
This Vietnamese poster has tried too hard to protect his Vietnamese/Yuon from having bad reputation, being embarrassed, being called nation of thieves (who took land from China "North Vietnam", Champa "Central Vietnam" and Cambodia/Khmer Kampuchea Krom "Southern Vietnam"), and being called a manipulators (lobbyists) at the UN to make a fool and confusion, and beyond until today.
Khmer Yeourng
Post a Comment