សកម្មជនគណបក្សសង្គ្រោះជាតិដែលជាគណបក្សនយោបាយប្រឆាំងដ៏ធំនៅកម្ពុជាចំនួន១១នាក់ ក្នុងនោះក៏មានលោក មាជ សុវណ្ណរ៉ា ផងដែរ ត្រូវបានលោក លឹម មករន្ទ ជាចៅក្រមជំនុំជម្រះសាលាដំបូងរាជធានីភ្នំពេញ វិនិច្ឆ័យសេចក្តីសម្រេចដាក់ពន្ធនាគារកំណត់ចាប់ពី៧ឆ្នាំដល់២០ឆ្នាំក្នុងម្នាក់ៗ កាលពីថ្ងៃទី២១ ខែកក្កដា ឆ្នាំ២០១៥កន្លងទៅថ្មីៗនេះ ក្រោមបទចោទប្រកាន់ធ្វើកុបកម្ម និងប្រព្រឹត្តអំពើហិង្សាមានស្ថានទម្ងន់ទោស កាលពីថ្ងៃទី១៥ ខែកក្កដា ឆ្នាំ២០១៤ នៅទីលានប្រជាធិបតេយ្យ ទៅលើក្រុមសន្តិសុខខណ្ឌដូនពេញ ។
ការវិនិច្ឆ័យសេចក្តីរបស់លោកចៅក្រម លឹម មករន្ទ ដូច្នេះ ធ្វើឲ្យលោកចៅក្រមរូបនេះបានទទួលរងនូវការរិះគន់យ៉ាងចាស់ដៃពីសំណាក់ប្រិយមិត្តអ្នកលេងបណ្តាញព័ត៌មានសង្គម Facebook ដ៏ពេញនិយម ខណៈលោកចៅក្រម លឹម មករន្ទ ក៏មាន Account Facebook ដែរ ។ ប្រិយមិត្ត Facebook ខ្លះបាន Post ប្រើពាក្យពេចន៍សង្កត់ធ្ងន់ដែរថា "សូមឲ្យបងប្អូនជួយចំណាំមុខលោកចៅ ក្រម លឹម មករន្ទ ផង និងបើបងប្អូនចង់ជួបចៅក្រមរូបនេះ មិនពិបាករកទេ គឺរង់ចាំនៅ Naga World នឹងបានជួបមុខមិនខាន" ។
កាលពីថ្ងៃទី២២ ខែកក្កដា ឆ្នាំ២០១៥ម្សិលមិញ គណបក្សសង្គ្រោះជាតិបានចេញសេចក្តីថ្លែងការណ៍មួយ សម្តែងនូវការសោកស្តាយជាខ្លាំងដែលតុលាការសាលាដំបូងរាជធានីភ្នំពេញសម្រេចដាក់ពន្ធនាគារសកម្មជនគណបក្សសង្គ្រោះជាតិ និងបានចោទប្រកាន់ដែរថា ជាការធ្វើឲ្យមានភាពតានតឹងខាងនយោបាយឡើងវិញ ដែលផ្ទុយនឹងស្មារតីកិច្ចព្រមព្រៀងនយោបាយ កាលពីថ្ងៃទី២២ ខែកក្កដា ឆ្នាំ២០១៤កន្លងមក ។
ដោយឡែក នៅថ្ងៃទី២២ ខែកក្កដា ឆ្នាំ២០១៥ម្សិលមិញដែរ គណបក្សប្រជាជនកម្ពុជាដែលជាគណបក្សនយោបាយកាន់កាប់អំណាចនៅកម្ពុជា ក៏បានចេញសេចក្តីថ្លែងការណ៍មួយ បញ្ជាក់ថា "គោលការណ៍វប្បធម៌សន្ទនា គឺត្រូវឋិតនៅក្រោមឆ័ត្រនៃរដ្ឋធម្មនុញ្ញ និងច្បាប់នានា ពិសេសមិនអាចគ្របដណ្តប់លើវិស័យតុលាការទេ ព្រោះអំណាចតុលាការជាអំណាចឯករាជ្យ ដែលត្រូវបានការពារដោយរដ្ឋធម្មនុញ្ញ" ។
ឯកឧត្តម កើត រិទ្ធ ររដ្ឋលេខាធិការក្រសួងយុត្តិធម៌ បានធ្វើការបកស្រាយពន្យល់ថា ករណីអំពើហិង្សាថ្ងៃទី១៥ ខែកក្កដា ឆ្នាំ២០១៤កន្លងទៅ នៅទីលានប្រជាធិបតេយ្យ មិនមែនជារឿងនយោបាយទេ គឺជារឿងបុគ្គល ឬក្រុមប្រព្រឹត្តល្មើស ដែលទាមទារឲ្យមានការអនុវត្តច្បាប់ ។
លោក លឹម មករន្ទ អាយុ៤៧ឆ្នាំ ចូលបម្រើការងាររដ្ឋនៅឆ្នាំ១៩៨៨ ។ ជាសិស្សចៅក្រមជំនាន់ទី១សាលាភូមិន្ទចៅក្រមនៃរាជបណ្ឌិត្យសភាវិជ្ជាជីវៈតុលាការ ធ្លាប់ត្រូវបានតែងតាំងជាចៅក្រមកម្មសិក្សា បម្រើការងារនៅសាលាដំបូងខេត្តកំពត ដោយព្រះរាជក្រឹត្យលេខនស/រកត/១២០៥/៥៣៤ ចុះថ្ងៃទី២៨ ខែធ្នូ ឆ្នាំ២០០៥ និងត្រូវាបានតាំងស៊ប់ក្នុងក្របខ័ណ្ឌនៃអង្គចៅក្រម បម្រើការងារជាចៅក្រមសាលាដំបូងខេត្តកំពត ដោយព្រះរាជក្រឹត្យលេខនស/រកត/០២០៧/០៦៧ ចុះថ្ងៃទី១៦ ខែកុម្ភៈ ឆ្នាំ២០០៧ ។ ក្រោយមក លោកចៅក្រម លឹម មករន្ទ ក៏ត្រូវបានផ្ទេរភារកិច្ចឲ្យមកបម្រើការងារជាចៅក្រមសាលាដំបូងរាជធានីភ្នំពេញទល់បច្ចុប្បន្ន ដោយព្រះរាជក្រឹត្យលេខនស/រកត/០២១០/១២៤ ចុះថ្ងៃទី០៤ ខែកុម្ភៈ ឆ្នាំ២០១០ ពោលគឺមានរយៈពេលជាង៥ឆ្នាំហើយ ៕
1 comment:
Look and remember this face of Yuon disguise as Khmer , He's not suppose to be a judge in this city .But because he's a Yuon spy agent kid he have more privilege than real Khmer kid .Please don't forget this government stooge judge, knock him down to sleep one for ever .
Post a Comment