AFP
ក្រុងយ៉ាំងហ្គោនៈ ក្រុងប៉េកាំង កាលពីថ្ងៃព្រហស្បតិ៍ បានរិះគន់ ធ្ងន់ៗចំពោះការកាត់ទោសដាក់ គុករយៈពេលវែងលើពលរដ្ឋចិនជាង ១៥០ នាក់ពីបទកាប់ឈើខុសច្បាប់នៅ មីយ៉ាន់ម៉ា ជាការ រង្គោះរង្គើថ្មីបំផុតចំពោះទំនាក់ទំនងរវាងអ្នកជិតខាងទាំងពីរ។
ការកាត់ទោសទ្រង់ទ្រាយធំនេះ កើតឡើងបន្ទាប់ពីក្រុមអ្នក កាប់ឈើទាំងនោះ ត្រូវបានចាប់ ខ្លួនក្នុងខែមករាក្នុងអំឡុងពេលនៃការបង្ក្រាបមួយលើសកម្មភាពព្រៃឈើខុសច្បាប់ក្នុងរដ្ឋកាឈីន ភាគខាងជើង ដែលជាប់ព្រំដែនជាមួយចិន។
ចិនបានធ្វើការតវ៉ាការទូតមួយជាមួយនឹងមីយ៉ាន់ម៉ាបន្ទាប់ពីតុលាការនៅរដ្ឋអាស៊ីអាគ្នេយ៍នេះ បានកាត់ទោសពលរដ្ឋចិន ១៥៣ នាក់ ដាក់គុក១ ជីវិតពីបទកាប់ឈើខុសច្បាប់។
តម្រូវការមិនចេះស្កប់របស់ចិននូវវត្ថុធាតុដើមរបស់មីយ៉ាន់ម៉ាបានបញ្ឆេះកំហឹងនៅ មីយ៉ាន់ម៉ា ចំពោះប្រទេសយក្សជិតខាងភាគខាងជើងរបស់ខ្លួន។
តំបន់នៅតាមបណ្ដោយ ព្រំដែនដ៏ធូររលុងរបស់មីយ៉ាន់ម៉ាជាមួយចិន បានក្លាយជាទីតាំងសម្រាប់ ពាណិជ្ជកម្មឈើហ៊ុបខុសច្បាប់ដើម្បីបំពេញតម្រូវការរបស់ចិន។ថ្លើមថ្មភាគច្រើនរបស់មីយ៉ាន់ម៉ា ក៏ត្រូវគេជឿថាត្រូវបានរត់ពន្ធខុសច្បាប់ចូលទៅចិនដែរ។
តុលាការក្រុង Myitkyina នៃរដ្ឋ កាឈីន ភាគខាងជើងមីយ៉ាន់ម៉ា បានសម្រេចកាត់ទោសពលរដ្ឋចិន ១៥៥ នាក់ពីថ្ងៃពុធ។ ពីរនាក់ក្នុងចំណោមអ្នកដែលត្រូវបានកាត់ទោសបានគេចផុតពីទោសជាប់គុកមួយជីវិត និងត្រូវជាប់គុកត្រឹម ១០ ឆ្នាំ។
មន្ត្រីតុលាការម្នាក់ បាននិយាយ ថា ជនជាប់ចោទទាំងអស់នឹងមានឱកាសប្ដឹងឧទ្ធរណ៍ ប្រឆាំងនឹងការសម្រេចចិត្តនោះ។ មន្ត្រីម្នាក់មកពីផ្នែកពន្ធនាគារក្រុង Myitkyina បានបញ្ជាក់ពីការកាត់ទោសនោះ។
សួងការបរទេសចិន បាននិយាយថាខ្លួន«បារម្ភពន់ពេក» អំពីការសម្រេចចិត្តនេះ និងបានធ្វើការតវ៉ាមួយជាមួយមីយ៉ាន់ម៉ា។
ក្នុងសេចក្ដីថ្លែងការណ៍ខ្លីមួយអ្នកនាំពាក្យក្រសួងការបរទេស លោក លូ កាង បាននិយាយថា៖ « ចិនបានក៏ដាក់ពាក្យបណ្ដឹងអំពីរឿងក្ដីនេះ ជាច្រើនលើក ជាច្រើនកម្រិត និងតាមរយៈមធ្យោបាយជាច្រើនហើយ»។
ក្រសួងការបរទេស បានបន្ថែមថា ចិនបានទាមទារឲ្យមីយ៉ាន់ម៉ាដោះស្រាយរឿងក្ដីនេះ«ក្នុងចរិតពេញច្បាប់ មានហេតុផល និងយុត្តិធម៌» ធ្វើដូច្នោះរឿងក្ដីនេះអាចត្រូវបញ្ចប់ដោយល្អ។
មនុស្សដែលត្រូវបានចាប់ខ្លួន កាលពីខែមករា ក្នុងការបង្ក្រាបលើការកាប់ឈើខុសច្បាប់ និងការជួញដូរឈើក្នុងប្រទេសនេះត្រូវបានធ្វើឡើងដោយយោធា និងនាយកដ្ឋានប៉ូលិស និងរុក្ខាប្រមាញ់។
អនុរដ្ឋមន្ត្រីក្រសួងអភិរក្សបរិ ស្ថាននិងរុក្ខាប្រមាញ់ បានប្រាប់សភាពីខែមិថុនាថា ឈើខុសច្បាប់ ជាង ១ ០០០ តោនត្រូវបានរឹបអូសតាំងពីខែមករា៕
No comments:
Post a Comment