យោងតាមចំណារចុះថ្ងៃទី១៦ ខែឧសភា ឆ្នាំ២០០២កន្លងទៅ របស់សម្តេចក្រឡាហោម ស ខេង(អតីតឯកឧត្តម ស ខេង)ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅលើលិខិតចុះថ្ងៃទី០៩ ខែឧសភា ឆ្នាំ២០០២ របស់លោកឧត្តមសេនីយ៍ មៀច សុផាន់ណា អតីតប្រធាននាយកដ្ឋានជនបរទេស និងជាសមាជិកអចិន្ត្រៃយ៍គណៈកម្មការយុទ្ធនាការជំរឿនស្ថិតិជនបរទេស ដែលបានសម្រេចថា "បើមានប័ណ្ណបោះហើយ មានន័យថា ខ្មែរ ។ ដូច្នេះ ពុំចាំបាច់ទេ ។" គឺអាចឲ្យមជ្ឈដ្ឋាននានាធ្វើការសន្និដ្ឋានបានថា ជនបរទេស ជាពិសេសជនជាតិយួននៅកម្ពុជាដែលមានប័ណ្ណបោះឆ្នោតជាហូរហែកន្លងមក តាមការចេញឲ្យរបៀបប្រឡាំប្រកូវដោយអាជ្ញាធរនោះ ក្នុងរយៈពេល១៣ឆ្នាំចុងក្រោយនេះ អាចកាន់អត្តសញ្ញាណប័ណ្ណសញ្ជាតិខ្មែរស្វ័យប្រវត្តិអស់បាត់ទៅហើយ ។
មជ្ឈដ្ឋានអ្នកច្បាប់ឯករាជ្យនៅកម្ពុជា បានលើកឡើងថា អនុលោមតាមមាត្រា២, មាត្រា១៩ នៃច្បាប់ស្តីពីសញ្ជាតិ ប្រកាសឲ្យប្រើនាឆ្នាំ១៩៩៦ ដែលបានចែងថា "ជនណាមានសញ្ជាតិខ្មែរ ជាប្រជាពលរដ្ឋខ្មែរ ។ …មានតែប្រជាពលរដ្ឋខ្មែរទេទើបមានសិទ្ធិទទួល និងកាន់កាប់អត្តសញ្ញាណប័ណ្ណសញ្ជាតិខ្មែរ និងលិខិតឆ្លងដែននៃព្រះរាជាណាចក្រកម្ពុជា ។ " និងចំណារសម្រេចរបស់សម្តេចក្រឡាហោម ស ខេង ចុះថ្ងៃទី១៦ ខែឧសភា ឆ្នាំ២០០២ ដែលចែងថា "បើមានប័ណ្ណបោះឆ្នោតហើយ មានន័យថាខ្មែរ…" គឺជនបរទេសដែលភាគច្រើនជាជនជាតិយួន មានប័ណ្ណបោះឆ្នោតនាពេលកន្លងមក បានក្លាយជាខ្មែរ និងកាន់អត្តសញ្ញាណប័ណ្ណសញ្ជាតិខ្មែរអស់បាត់ទៅហើយ នារយៈពេល១៣ឆ្នាំចុងក្រោយនេះ ខណៈជនជាតិយួនទាំងនោះក៏ធ្លាប់បានបោះឆ្នោតគាំទ្រឲ្យគណបក្សប្រជាជនកម្ពុជាបានឈ្នះឆ្នោត ឬទទួលបានសំឡេងឆ្នោតយ៉ាងច្រើនជាហូរហែកន្លងមកដែរ ៕
1 comment:
STOP YOUR MODERATION MODE.
AS YOU CAN SEE NO COMMENT EVEN ON THIS IMPORTANT ISSUE.
ALSO, STOP (OR CHANGE) REQUESTING ON "FOOD MATCH" TO VALIDATE THE "ANONYMOUS".
Post a Comment