(ចុះផ្សាយនៅថ្ងៃ 15-06-2015, 8:33 pm) | ដោយ : ថ្មីៗ
ប្រធានអង្គរក្សលោក សម រង្ស៊ី លោក ឡុង រី បានអះអាងថា អង្គរក្សទាំង ៧ នាក់ ដែលរងរបួសនោះមានម្នាក់រងរបួសធ្ងន់ និង ៦ នាក់រងរបួសស្រាល ហើយអ្នករងរបួសទាំងនោះ បានដឹកទៅសង្គ្រោះបន្ទាន់ភ្លាមៗនៅក្នុងមន្ទីរពេទ្យខេត្តព្រះសីហនុ ក្រោយពីជួបគ្រោះថ្នាក់នៅម៉ោងប្រមាណ ៤ កន្លះ នារសៀលថ្ងៃចន្ទនេះ។
ពីក្នុងមន្ទីរពេទ្យខេត្តព្រះសីហនុ លោក ឡុង រី បានបញ្ជាក់ដូច្នេះថា៖« រថយន្តអង្គរក្សដែលគ្រោះថ្នាក់នោះ គឺជារថយន្តបិទគូថក្បូនរថយន្តលោកប្រធានចេញពីខេត្តព្រះសីហនុ មកភ្នំពេញ។ គ្រោះថ្នាក់តែរថយន្តមួយទេ ព្រោះរថយន្តនោះ បើកវ៉ារថយន្តកុងតឺន័រខាងមុខ ហើយជ្រុលធ្លាក់ចេញពីផ្លូវក្រឡាប់តែម្តង។ វាជារឿងចៃដន្យទេ » ។ តំណាងរាស្រ្តរូបនេះ អះអាងថា លោក សម រង្ស៊ី និងមន្រ្តីបក្សសង្គ្រោះជាតិដទៃទៀតមិនមានគ្រោះថ្នាក់ឡើយ។ ក្រោយជួបឧបទ្ទវហេតុនេះ លោក សម រង្ស៊ី បានត្រឡប់ទៅទីរួមខេត្តព្រះសីហនុវិញ ដើម្បីទៅសួរសុខទុក្ខអង្គរក្សរបស់ខ្លួនដែលរងគ្រោះ៕
No comments:
Post a Comment