លោក ស ខេង និងលោក សាយ ឈុំ ដែលទើបតែបានទទួលគោរមងារជាសម្ដេចកាលពីពេលថ្មីនេះ ក្លាយជាអនុប្រធានទាំងពីរជាផ្លូវការហើយ ដោយសម្លេង ៥០៦ លើ ៥០៧ ពោលគឺពុំមានការបែងចែងអនុប្រធានទី១ ឬ ទី២នោះទេ ។លោកនាយករដ្ឋមន្ត្រី ហ៊ុន សែន ជាប្រធានបក្សជំនួសលោក ជា ស៊ីម។ ការជ្រើសតាំងនេះធ្វើឡើងនៅក្នុងសន្និបាត គណៈកម្មាធិការកណ្តាល លើកទី៣៨ អាណត្តិទី៥ របស់គណបក្សប្រជាជនកម្ពុជា នៅព្រឹកថ្ងៃទី២០ ខែមិថុនានេះ។
អង្គសន្និបាត នៅទីស្នាក់ការកណ្តាលគណបក្ស គ៨៥ នេះ មានសមាជិកគណៈកម្មាធិការកណ្តាលបក្សប្រមាណជាង ៥០០រូប ចូលរួមបោះឆ្នោតជាសម្ងាត់ ដើម្បីជ្រើសតាំងប្រធានថ្មី ជំនួសលោក ជា ស៊ីម និងអនុប្រធានគណបក្សថ្មី ។
សូមបញ្ជាក់ថា លោក ស ខេង និងលោក សាយ ឈុំ ទទួលបានគោរមងារជាសម្តេចពីព្រះមហាក្សត្រនេះ បន្ទាប់ពីលោក ជា ស៊ីម ដែលមានងារ ជាសម្តេចអគ្គមហាធម្មពោធិសាលនិងជាប្រធានគណបក្សប្រជាជនកម្ពុជាទទួលមរណកាលពីថ្ងៃទី ០៨ ខែមិថុនា កន្លងទៅ។
No comments:
Post a Comment