នៅថ្ងៃទី១៦ ខែមិថុនា ឆ្នាំ២០១៥នេះ សម្តេចអគ្គមហាសេនាបតីតេជោ បណ្ឌិតសភាចារ្យ ហ៊ុន សែន ប្រមុខរាជរដ្ឋាភិបាលកម្ពុជា បានចេញសារាចរមួយស្តីពីការអនុញ្ញាតឲ្យមន្ត្រីរាជការទាំងអស់បានឈប់សម្រាកពីការងារ នៅថ្ងៃទី១៩ ខែមិថុនា ឆ្នាំ២០១៥ ដើម្បីចូលរួមពិធីបូជាសពសម្តេចអគ្គមហាធម្មពោធិសាល ជា ស៊ីម ដើម្បីឲ្យមន្ត្រីរាជការបានឈប់សម្រាកពីការងារ ចូលរួមក្នុងពិធីបុណ្យសព ប្រកបដោយភាពអធិកអធម ។
សូមរំលឹកជូនថា សម្តេចអគ្គមហាធម្មពោធិសាល កិត្តិព្រឹទ្ធបណ្ឌិត ជា ស៊ីម ប្រធានគណបក្សប្រជាជនកម្ពុជា និងជាអតីតប្រធានព្រឹទ្ធសភានៃព្រះរាជាណាចក្រកម្ពុជា បានទទួលមរណភាពកាលពីថ្ងៃទី០៨ ខែមិថុនា ឆ្នាំ២០១៥ ក្នុងជន្មាយុ៨៣ឆ្នាំ ដោយរោគាពាធ ហើយពិធីបូជាសពនឹងប្រព្រឹត្តទៅថ្ងៃទី១៩ ខែមិថុនា ឆ្នាំ២០១៥ខាងមុខ ៕
No comments:
Post a Comment