(ចុះផ្សាយនៅថ្ងៃ 16-06-2015, 10:20 am) | ដោយ : ថ្មីៗ
ភ្នំពេញ៖ បន្ទាប់ពីចុះទៅពិនិត្យព្រំដែនទៅតាមកាស្នើសុំ និងពាក្យបណ្តឹងរបស់ប្រជាពលរដ្ឋនៅតាមខ្សែបន្ទាត់ព្រំដែនកម្ពុជា-វៀតណាម ដ៏ពិបាកអស់ជាច្រើនថ្ងៃ និងច្រើនដងច្រើសាររួចមកនោះ អ្នកតំណាងរាស្ត្ររបស់គណបក្សសង្គ្រោះជាតិបានលើកឡើងថា នេះជាភាពជោគជ័យមួយរបស់តំណាងរាស្ត្រ និងប្រជាពលរដ្ឋខ្មែរទូទាំងប្រទេស។ ជោគជ័យពីព្រោះថា ការចុះទៅពិនិត្យព្រំដែននេះ បានធ្វើអោយរដ្ឋាភិបាលហ៊ានទទួលស្គាល់ការពិតថា ពិតជាមានការរំលោភបំពានអធិបតេយ្យភាពកម្ពុជាពីសំណាក់ប្រទេសវៀតណាមពិតប្រាកដមែន រហូតដល់ធ្វើអោយក្រសួងការបរទេសកម្ពុជាចេញកំណត់ទូតទៅស្ថានទូតវៀតណាមនៅកម្ពុជាថែមទៀតផង។
ក្រៅពីនោះ អ្នកតំណាងរាស្ត្រអះអាងថា ពលរដ្ឋខ្មែរនៅតាមខ្សែបន្ទាត់ព្រំដែន និងនៅទូទាំងប្រទេសបានសារទរចំពោះចំណាត់ការកំណត់ទូតទៅភាគីវៀតណាមនៅពេលនេះ។ ទោះជាយ៉ាងនេះក៏ដោយ អ្នកតំណាងរាស្ត្ររូបនេះ នៅតែទទូចអោយរដ្ឋាភិបាលបង្ហាញផែនទីប្រទេសកម្ពុជា អោយដូចទៅនឹងផែនទីតម្កល់នៅអង្គការសហប្រជាជាតិជាសាធាររណៈ ដើម្បីអោយពលរដ្ឋខ្មែរបានដឹងពីខ្សែបន្ទាត់ព្រំដែនពិតប្រាកដរបស់ខ្លួន។
តទៅនេះសូមអញ្ជើញស្តាប់បទសម្ភាន៍រវាងលោក គង់ ប៊ុនណា អ្នករាយការណ៍ព័ត៌មានរបស់វិទ្យុស្ត្រីFM១០២ និងលោក ម៉ៅ មុនីវណ្ណ តំណាងរាស្ត្រគណបក្សសង្គ្រោះជាតិដូចតទៅ៖ Listen to the audio here.
No comments:
Post a Comment