(ចុះផ្សាយនៅថ្ងៃ 14-06-2015, 4:25 pm) | ដោយ : រឿន ភារុន
ភ្នំពេញ៖ នៅថ្ងៃទី១៤ មិថុនានេះក្រសួងការបរទេស និងសហប្រតិបត្តិការអន្តរជាតិបានធ្វើកំណត់ទូតមួយថ្មីទៀតផ្ញើទៅស្ថានទូតវៀតណាមប្រចាំកម្ពុជាដើម្បីប្រាប់រដ្ឋាភិបាលវៀតណាមឲ្យបញ្ឈប់ការជីកស្រះក្នុងទឹកដីកម្ពុជា។ កំណត់ទូតក្រសួងបានបញ្ជាក់ថា ក្រុមការងារព្រំដែនកម្ពុជា និងអាជ្ញាធខេត្តរតនគិរី បានរកឃើញស្រះទឹចំនួន ៣បន្ថែមទៀត ដែលកំបាំងក្នុងព្រៃ ដែលជីកដោយវៀតណាម។
កំណត់ទូតរបស់ក្រសួងការបរទេសកម្ពុជា បានសរសេរបញ្ជាក់ប្រាប់រដ្ឋាភិបាលវៀតណាមយ៉ាងច្បាស់ថា ស្រះទឹកចំនួន៣ បន្ថែមទៀត ដែលកំបាំងក្នុងព្រៃ ដែលវៀតណាមបានជីកនៅចន្លោះបង្គោលព្រំដែនលេខ ៣០ និងលេខ៤០ ស្ថិតនៅក្នុងក្នុងភូមិឡំ ស្រុកប៉ក់ញ៉ៃស្រុកអូយ៉ាដាវ ខេត្តរតនគិរី ស្ថិតនៅក្នុងទឹកដីកម្ពុជាយ៉ាងជ្រៅទៀតផង។ការអះអាងត្រូវបានធ្វើឡើងដោយយោងលើផែនទីបោនខ្នាត ១/១០០.០០០ ។
ស្រះទឹកទាំង៣ មានទំហំខុសគ្នាៗ ដែលក្នុងនោះ ស្រះទឹកទីមួយ មានទំហំ ១២មគុណ១៨ម ស្រះទីពីរទំហំ ១៤,៥មគុណ១៧ម និងស្រះទឹកទីបី ១០មគុណ២៤,៥ម។ ស្រះទឹកទាំង ៣នេះ មានទំហំធំជាងស្រះទឹកចំនួន ៥ដែលក្រសួងរកឃើញកន្លងមក ត្រឹមតែ ៥មគុណ១៣ម ប៉ុណ្ណោះ។ កំណត់ទូតសរសេរបញ្ជាក់ថា៖«ស្រះទឹកទី១ មានចំងាយប្រមាណ ៣១៥ម ពីខ្សែព្រំដែន។ ស្រះទឹកទី២ មានចំងាយប្រមាណ៤២៥ម ពីខ្សែព្រំដែន។ ស្រះទឹកទី៣ ចំងាយប្រមាណ៣៩០មពីខ្សែព្រំដែន»។
ក្រសួងការបរទេសបានស្នើតាមរយៈកំណតទូតដល់រដ្ឋាភិបាលវៀតណាមឲ្យគោរពតាមខ្សែព្រំដែននៃផែនទី បោនខ្នាត ១/១០០.០០០ ដែលជាមូលដ្ឋានៃសន្ធិសញ្ញាឆ្នាំ១៩៨៥ និងសន្ធិសញ្ញាបំពេញ បន្ថែមថ្ងៃទី១០ ខែតុលា ឆ្នាំ២០០៥ ដែលកំណត់ពីព្រំដែនគោករវាង ប្រទេសកម្ពុជា និងវៀតណាម។
គួររម្លឹកថា កាលពីថ្ងៃទី១២មិថុនាកន្លងមកនេះក្រសួងការបរទេសកម្ពុជាក៏បានធ្វើកំណត់ទូតមួយផ្ញើទៅស្ថានទូតវៀតណាមដើម្បីប្រាប់រដ្ឋាភិបាលវៀតណាមឲ្យបញ្ឈប់ការជីកស្រះទឹក ចំនួន ៥ ក្នុងទឹកដីកម្ពុជាម្តងដែរ។ ស្រះទឹកទាំង៥មានទំហំមួយៗ ៥មគុណ១៣មដែលស្រះទឹកទី១ និងទី២ ជីជាប់គ្នាមានចំងាយប្រមាណ៣៨០ម ពីខ្សែព្រំដែន។ ស្រះទឹកទី៣ ចំងាយប្រមាណ៣៩០មពីខ្សែព្រំដែន។ ស្រះទឹកទី៤ ចំងាយប្រមាណ៥៤៥ម ពីខ្សែព្រំដែននិងស្រះទឹកទី៥ ចំងាយប្រមាណ ៤៧០ម ពីខ្សែព្រំដែន។
គួរបញ្ជាក់ផងដែរថានៅក្នុងសំណុំរឿងដែលអាជ្ញាធរវៀតណាមជីកស្រះទឹកក្នុងទឹកដីកម្ពុជាក្នុងខេត្តរតនគិរីនេះ លោកនាយករដ្ឋមន្ត្រី ហ៊ុន សែនក៏បានប្រាប់ត្រង់ទៅសមាជិកការិយាល័យនយោបាយនៃបក្សកុម្មុយនីសវៀតណាម លោក ឡេ ហុងអាញ់ដែលបានបំពេញទស្សនកិច្ចនៅកម្ពុជាក្នុងសប្តាហ៍នេះរួចម្តងហើយដែរថា ឲ្យវៀតណាមរក្សាភាពស្ងប់ស្ងាត់នៅតាមតំបន់ព្រំដែនជាពិសេសព្រំដែនខេត្តរតនៈគិរី៕
2 comments:
Problems,problems and more problems !!!
To solve Khmer problems, prosecute
Hanoi key leaders.
Can anyone tell me what the Youn are up to? We know that these Youn are very cunning.
They are digging up the ponds for a reason, but i dont understand. Back in the 1960s the Youn dug up holes on the Eastern Front of Cambodia, and also recruited the Vietminhs and the Khmer Rouge to fight the French. Later on those holes became underground location for the Youn to fight the American and then became the Ho Chi Minh trail.
We need to take steps to prevent the cunning Youns from another act of agression and return Poh Pich and Prey Nokor back to the native Khmer.
Post a Comment