Mon, 11 May 2015
ផាក់ ស៊ាងលី ភ្នំពេញ ប៉ុស្តិ៍
ពលរដ្ឋទៅទប់ក្រុមហ៊ុនវៀតណា មមិនឲ្យឈូសព្រៃ។ រូបថត អាដហុក
រតនគិរីៈ ជនជាតិដើមភាគតិច ៨០ នាក់មកពី ៣៨៤ គ្រួសារ ក្នុងស្រុកអណ្តូងមាស បាននាំគ្នាបញ្ឈប់គ្រឿងចក្ រក្រុមហ៊ុនវៀតណាម និងបោះបង្គោលសង្គ្រោះព្រៃ ការពារជាង ៣០០ ហិកតាដែលកំពុងត្រូវបានគេ កាប់បំផ្លាញ និងឈូសឆាយ។
ជនជាតិដើមភាគតិចទំពួន និងចារ៉ាយចំនួន ៨០ នាក់ដែលរួមមានទាំងអាជ្ញាធរ ភូមិកាហល់ ឃុំម៉ាលិកមួយចំនួនផងនោះបា ននាំគ្នាទៅទប់ស្កាត់សកម្ មភាពឈូសឆាយដីព្រៃរបស់ក្រុ មហ៊ុនជីងលី (Jing Ly Investment Col.Ltd) ហើយបាននាំគ្នាបោះរបងលើដី ព្រៃការពារចំនួន ៣៦០ ហិកតាកាលពីព្រឹកថ្ងៃអាទិត្ យម្សិលមិញ។ នេះបើយោងតាមគណៈកម្មការភូមិ លោក សល់ យ៉ន់ អាយុ ៤១ ឆ្នាំ និងអង្គការអាដហុកខេត្តរតនគិ រី។
លោក សល់ យ៉ន់ បានអះអាងថា៖ «តាំងពីខែមេសាមកអាប៊ុល ៤ គ្រឿងបានឈូសឆាយដីព្រៃការពា រយើងរហូតមកទើបយើងនាំគ្នា ទៅទប់ស្កាត់មិនឲ្យឈូសទៀត។ ពលរដ្ឋបានបោះបង្គោលធ្វើ របងលើដី ៣៦០ ហិកតា»។
លោកបានបន្តថា នៅពេលពួកលោកកំពុងបញ្ឈប់អា ប៊ុលកុំឲ្យឈូសនោះមានប៉ូលិ សយាមក្រុមហ៊ុនម្នាក់ស្ពាយ កាំភ្លើង ១ ដើមបានចេញមកព្រមានក្រុមប្ រជាពលរដ្ឋកុំឲ្យហាមឃាត់ សកម្មភាពឈូសឆាយនោះ។ ប៉ុន្តែដោយឃើញពលរដ្ឋមានគ្ នាច្រើន ហើយមិនខ្លាចនោះ មន្ត្រីប៉ូលិសរូបនោះ និងអ្នកបើកគ្រឿងចក្របាននាំ គ្នារត់បាត់អស់ ដោយបន្សល់ទុកគ្រឿងចក្រនៅក្ នុងព្រៃ។
លោកយ៉ន់បាននិយាយដូច្នេះថា៖ «ប៉ូលិសមានកាំភ្លើងអាកាស្វ័ យបត់បានសំឡុតដាក់យើងថា ពលរដ្ឋគ្មានសិទ្ធិទៅហាមឃាត់ គេមិនឲ្យឈូសទេ។ តែយើងក៏ប្រាប់ទៅវិញថា នេះជាព្រៃការពារមានសត្វព្ រៃគ្រប់ប្រភេទ។ គ្មានច្បាប់ឈូសឆាយទេហើយគេ ក៏រត់ចោលគ្រឿងចក្រអស់តែម្ តង»។
ជនជាតិភាគតិចដាក់ស្លាកលើដើ មឈើហាមកាប់ និងឈូសបំផ្លាញព្រៃឈើ។ រូបថត អង្គការអាដហុក
លោកថា ពលរដ្ឋបានបាញ់ថ្នាំក្រហមលើ អាប៊ុលនោះថា «ហាមឈូសឆាយដីព្រៃការពារ និងជម្រកសត្វ»។ ប្រសិនបើក្រុមហ៊ុននៅតែបន្ តការឈូសឆាយនោះ ប្រជាពលរដ្ឋនឹងធ្វើការទប់ស្ កាត់បន្តទៀត។
លោក ឆាយ ធី អ្នកសម្របសម្រួលអង្គការអាដហុ កខេត្តរតនគិរីបានឲ្យដឹងថា ប្រជាពលរដ្ឋ បានប្តឹងទៅអាជ្ញាធរគ្រប់ លំដាប់ថ្នាក់ រហូតដល់រដ្ឋាភិបាល និងរដ្ឋសភាចាប់តាំងពីឆ្នាំ ២០១៣ មកម្ល៉េះ ដើម្បីទាមទារដីទំហំ ៣៦០ ហិកតាពីក្រុមហ៊ុនសម្បទានដី សេដ្ឋកិច្ចឈ្មោះជីងលីនោះ ប៉ុន្តែ រហូតមកទល់ពេលនេះ នៅតែមិនទាន់ទទួលបានដំដោះ ស្រាយនៅឡើយ ចំណែកក្រុមហ៊ុន ចេះតែបន្តធ្វើការឈូសឆាយ។
លោក ឆាយ ធី បានថ្លែងថា៖ «អ្នកភូមិពិតជាអស់ជម្រើសក្ នុងការរង់ចាំតទៅទៀត ទើបពួកគាត់សម្រេចចិត្តបែបនេ ះ។ បើការតវ៉ារបស់ពួកគាត់ មិនបានប្រើហិង្សាទេ គឺវាមិនខុសច្បាប់ទេ»។
លោក ឆាយ ធី បានបន្ថែមថា ជនជាតិដើមភាគតិច គឺរស់នៅពឹងអាស្រ័យលើធនធាន ព្រៃឈើ និងដីធ្លីទាំងនោះតាមលក្ខណៈ ប្រពៃណីតាំងពីដូនតាមក។ ប៉ុន្តែការផ្តល់ដីសម្បទាន នេះបានធ្វើឲ្យប៉ះពាល់ដល់ពួ កគាត់ និងពលរដ្ឋបីភូមិផ្សេងទៀត ដោយសារតែខ្វះការសិក្សាពី ផលប៉ះពាល់ឲ្យបានច្បាស់លាស់ ពីថ្នាក់មូលដ្ឋានទៅ។
រដ្ឋាភិបាលបានសម្រេចផ្តល់ដី ចំនួន ១៩០០ ហិកតាឲ្យក្រុមហ៊ុនវៀតណាមជី ងលីដើម្បីអភិវឌ្ឍដាំកៅស៊ូ នៅឃុំញ៉ាង និងឃុំម៉ាលិក ក្នុងស្រុកអណ្តូងមាសកាលពី ខែវិចិ្ឆកា ២០១០។
ប្រជាសហគមន៍បានអះអាងថា មួយឆ្នាំក្រោយមក ក្រុមហ៊ុននេះបានទៅកាប់ព្រៃ ស្រោង ដើមច្បោះ និងឈូសឆាយរំលោភយកដីសមូហភាព ព្រៃការពារ ព្រៃកប់សព ព្រៃអារក្ស ដីព្រៃចំណីមាត់បឹង មាត់អូរ ត្រពាំង ដែលបង្កការប៉ះពាល់យ៉ាងធ្ ងន់ធ្ងរ ដល់ប្រភពទឹកស្អាត និងវប្បធម៌របស់ជនជាតិដើម ភាគតិច។
ភ្នំពេញប៉ុស្តិ៍មិនអាចទាក់ ទងក្រុមហ៊ុនវៀតណាមជីងលីដើ ម្បីសុំអត្ថាធិប្បាយបានទេ កាលពីម្សិលមិញ។
លោក នង ដារិទ្ធិ អភិបាលស្រុកអណ្ដូងមាសបាន ថ្លែងថាលោកបានដឹងពីសកម្ មភាពរបស់ប្រជាពលរដ្ឋនោះ ប៉ុន្តែលោកថា អាជ្ញាធរអត់មានទៅទប់ស្កាត់ ពលរដ្ឋនោះទេ ដោយគ្រាន់តែទៅពិនិត្យមើលក្ រែងលោពួកគាត់ប្រើអំពើហិង្ សាលើក្រុមហ៊ុន។
លោក ដារិទ្ធិ បានបញ្ជាក់៖ «បើគាត់ធ្វើមិនសមស្របពី ផ្លូវច្បាប់ទេ យើងនឹងណែនាំឲ្យគោរពច្បាប់ ។ អត់មានទៅទប់ស្កាត់អីទេ ទុកឲ្យគាត់ធ្វើសិនទៅ រួចចាំនិយាយគ្នាក្រោយទៀត។ គាត់គ្រាន់តែទៅបោះតម្រុយ បង្គោល និងបិទស្លាកជាដើម»។
លោកបន្ថែមថា ពលរដ្ឋពិតជាបានស្នើសុំដី នោះទុកសម្រាប់សហគមន៍មែន ប៉ុន្តែការស្នើសុំនោះវាមិ នទាន់គ្រប់គ្រាន់តាមលក្ខណៈ ផ្លូវច្បាប់ ដោយសារតែដីនោះ រដ្ឋាភិបាលបានផ្តល់ឲ្យក្រុ មហ៊ុនវៀតណាមធ្វើការអភិវឌ្ឍ ស្របច្បាប់ទៅហើយ៕
No comments:
Post a Comment