ដោយ៖ ស៊ុន ណារិន | ថ្ងៃចន្ទ ទី23 មិនា 2015 |
លោកនាយករដ្ឋមន្រ្តី ហ៊ុន សែន កាលពីកន្លងទៅ
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានចោទប្រកាន់អង្គការក្រៅរដ្ឋាភិបាលមួយចំនួនដែលលោកចាត់ទុកជា«អង្គការខូចៗ» ថាបានបញ្ឆេះឲ្យមានបាតុកម្មដីធ្លីជាបន្តបន្ទាប់នៅរាជធានីភ្នំពេញ។
ក្នុងពិធីសម្ពោធដាក់ឲ្យប្រើប្រាស់សមិទ្ធិផលនានានៅជ្រោយចង្វាខាងកើត នៅព្រឹកថ្ងៃទី២៣ ខែមីនា លោកនាយករដ្ឋមន្រ្តី ហ៊ុន សែន បានថ្លែងចំអកឲ្យប្រជាពលរដ្ឋមួយចំនួនដែលតែងតែចេញមុខរកដំណោះស្រាយដីធ្លីពីស្ថាប័នរដ្ឋាភិបាល និងស្ថានទូតអាមេរិក។ លោកបានចាត់ទុកបាតុកម្មដីធ្លីទាំងនោះជាបាតុកម្មទាមទារខុសពីការពិត និងត្រូវបានគាំទ្រដោយអង្គការសង្គមស៊ីវិលមួយចំនួន។
លោកបានថ្លែងថា«ស្រុកខ្មែរអាឡូវអត់បានទេណា លក់ដីឲ្យគេថ្ងៃហ្នឹង គឺតម្លៃ១០០ដុល្លារ ក្នុងមួយម៉ែត្រ ការ៉េ ដល់ដីឡើង៥០០ដុល្លារក្នុងមួយម៉ែត្រការ៉េ មកធ្វើបាតុកម្មទាមទារលុយថែម។ ហើយញុះពីក្រោយជាប់ អង្គការក្រៅរដ្ឋាភិបាលខូចៗមួយចំនួន។ ខ្ញុំមិននិយាយប៉ាវទាំងអស់ទេ។ ហើយចេញថ្លៃអាតុកៗ។ អាក្រុមទទួលខុសត្រូវបាយ អាក្រុមទទួលខុសត្រូវទឹក អាក្រុមទទួលចេញថ្លៃអាតុកៗ…»។
លោកបានបន្តថា«ស្រុកខ្មែរឥឡូវ វាទៅឋានសួគ៌លោកិយនៃកន្លែងបញ្ឆេះបាតុកម្ម។ ហើយបាតុកម្មមុខដដែលហ្នឹង ទៅណាក៏មានមុខហ្នឹង ទៅណាក៏មានមុខអញ្ចឹង។ វាអស់តម្លៃហើយអាបាតុកម្មហ្នឹង វាគ្រាន់បានត្រឹមធ្វើឲ្យស្ទះចរាចរណ៍។…ហើយអ្នកដែលជួញដូរខាងបាតុកម្ម ល្មមៗបានហើយ គេស្គាល់មុខអស់ហើយ»។
ទោះជាយ៉ាងណា លោកនាយករដ្ឋមន្រ្តី ហ៊ុន សែន មិនបានថ្លែងឲ្យចំៗថាអង្គការសង្គមស៊ីវិល និងសហគមន៍ដីធ្លីណាមួយនោះទេ។
គួររំឮកថា កន្លងទៅ អ្នកមានទំនាស់ដីធ្លីដែលតែងតែធ្វើបាតុកម្មនៅរាជធានីភ្នំពេញ រួមមានអ្នកបឹងកក់ បុរីកីឡា និងថ្មគោលជាដើម។ ពួកគេតែងតែទាមទាររកដំណោះស្រាយដីធ្លីពីស្ថាប័នពាក់ព័ន្ធ និងស្ថានទូតអន្តរជាតិមួយចំនួន ជាពិសេសស្ថានទូតអាមេរិក៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
1 comment:
Ah Kwack Hun Sen Euy !!!
Lmorm Ngorp Heuy Ah Chkuot !!
Ah Ho Chi Minh wanted you to be his roommate.
Post a Comment