Nuon Thos, first deputy commune chief from the HRP, and So Maran, second deputy commune chief from the SRP of Barong commune, Lvea Em district in Kandal province, were accused by villagers of selling their land. Both were expelled from the parties after villagers complained to their respective parties.
ដោយ៖ ឡាយ សាមាន | ថ្ងៃចន្ទ ទី12 មករា 2015,
គណបក្ស សម រង្ស៊ី និងគណបក្សសិទ្ធិមនុស្ស ខេត្តកណ្ដាល សម្រេចលុបឈ្មោះ អតីតសមាជិកថ្នាក់ឃុំរបស់ខ្លួនពីរនាក់ចេញពីបក្ស បន្ទាប់ពីរកឃើញថាអ្នកទាំងពីរមានពាក់ព័ន្ធនឹងការលក់ដីសហគមន៍របស់ប្រជាពលរដ្ឋ ។
សេចក្តីប្រកាសព័ត៌មានរួមរបស់គណបក្ស សម រង្ស៊ី និងគណបក្សសិទ្ធិមនុស្ស ចុះថ្ងៃទី១២ ខែមករានេះ ឲ្យដឹងថាលោក នួន ថុស អតីតសមាជិកគណបក្សសិទ្ធិមនុស្សជាជំទប់ទី១ និងអតីតសមាជិកគណបក្ស សម រង្ស៊ី លោក សូ ម៉ារ៉ាន ជាជំទប់ទី២នៃឃុំបារ៉ុង ស្រុកល្វាឯម ខេត្តកណ្តាល ត្រូវបានប្រជាពលរដ្ឋនៅឃុំបារ៉ុង ប្តឹងមកគណបក្សទាំងពីរពីបទ «ឃុបឃិតគ្នាជាមួយនឹងអាជ្ញាធរឃុំបារ៉ុង និងស្រុកល្វាឯករបស់គណបក្សកាន់អំណាច យកដីសហគមន៍ឃុំបារ៉ុងចំនួន ២០៤ ហិកតាទៅលក់» ។
សេចក្តីប្រកាសបន្តថា បន្ទាប់ពីបានធ្វើការស៊ើបអង្កេតបណ្តឹងរបស់ប្រជាពលរដ្ឋ គណបក្សទាំងពីរប្រចាំខេត្តកណ្ដាលសម្រេចលុបឈ្មោះអ្នកទាំងពីរនេះចេញពីបក្ស ដោយរកឃើញថា ពិតជាជាប់ពាក់ព័ន្ធនឹងការលក់ដីសហគមន៍ពិតមែន ។
សេចក្តីប្រកាសឲ្យដឹងដែរថា គណបក្សទាំងពីរបានសម្រេចលុបឈ្មោះអតីតសមាជិកទាំងពីរ កាលពីថ្ងៃទី ០៣ ខែមករា ឆ្នាំ២០១៥ ៕
សូមសរសេរមកលោក ឡាយ សាមាន តាមរយៈ samean@vodhotnews.com
No comments:
Post a Comment