A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Sunday 14 September 2014

Monks appeal for assistance for sick land-grab victims staying at Wat Chass Pagoda ព្រះសង្ឃ​វត្ត​ចាស់​អំពាវនាវ​រក​ជំនួយ​សម្រាប់​ពលរដ្ឋ​មាន​ជម្លោះ​ដីធ្លី​ស្នាក់នៅ​ក្នុង​វត្ត​កំពុង​មាន​ជំងឺ​​

ដោយ៖​ ពៅ មេត្តា​ | ថ្ងៃអាទិត្យ ទី14 កញ្ញា 2014, 


ព្រះសង្ឃ​គង់នៅ​វត្ត​ចាស់​ស្ថិតនៅក្នុង​សង្កាត់​ជ្រោយចង្វារ ខណ្ឌ​ជ្រោយចង្វារ​រាជធានី​ភ្នំពេញ អំពាវនាវ​ដល់​សប្បុរ​ស​ជន ក៏ដូចជា​ស្ថាប័ន​ពាក់ព័ន្ធ​ឲ្យជួយ​ដល់​ពលរដ្ឋត​វ៉ាករ​ណី​ជម្លោះ​ដីធ្លី​ស្នាក់នៅ​ក្នុង​វត្ត​នេះ ប្រមាណ​៣០​នាក់​កំពុង​មាន​ជំងឺរាគ​រួស​និង​ផ្តាសាយ​។​
តេជ​គុណ ណុប វ​ន្នី មាន​ថេរ​ដីកា​ថា ប្រជាពលរដ្ឋ​មកពី​ខេត្ត​ប៉ៃលិន​ប្រមាណ​៣០​នាក់ ស្នាក់នៅ​ក្នុង​វត្ត​ចាស់​ដើម្បី​សុំ​កិច្ច​អន្តរាគមន៍​ករណី​ជម្លោះ​ដីធ្លី​កំពុងមាន​ជំងឺ​បន្តបន្ទាប់​ដោយ​មិន​ដឹង​មូលហេតុ​គឺ​អ្នក​ខ្លះ​រាគ​រួស គ្រុ​នក្តៅ និង​ផ្តាសាយ​ជាដើម​។ ព្រះ​តេជគុណ​បន្តថា រហូត​ដល់​ថ្ងៃ​អាទិត្យ​ពលរដ្ឋ​ក្មេង​ចាស់​ជាង​១០​នាក់​ ជំងឺ​កំពុង​ធ្វើ​ទុក្ខ ខណៈ​ពលរដ្ឋ​មួយចំនួន​ទៀត​មិន​ទាន់​ជា​សះស្បើយ​នៅឡើយ​។​
តេជ​គុណ ណុប វ​ន្នី មាន​ថេរ​ដីកា បន្តថា ជំងឺ​រាលដាល​ដល់​ប្រជាពលរដ្ឋ​មាន​ជម្លោះ​ដីធ្លី​ក្រីក្រ​ទាំង​នេះ កើត​មាន​បី​បួន​ថ្ងៃ​ហើយ​នៅ​មិនទាន់​មាន​សប្បុរសជន​ណា​ជួយ​ទេ​។
​អ្នក​មាន​ជម្លោះ​ដីធ្លី​មកពី​ខេត្ត​ប៉ៃលិន​ទាំងនេះ បាន​ស្នាក់នៅ​វត្ត​ចាស់​តាំងពី​ថ្ងៃ​ទី ២៦ ខែ​សីហា ដើម្បី​ស្វែងរក​អន្តរាគមន៍​ពី​ក្រសួង​ពាក់ព័ន្ធ  ហើយ​ពួកគេ​មិន​ទាន់​កំណត់​ថ្ងៃ​ត្រឡប់​ទៅវិញ​នៅ​ឡើយ​ ព្រោះ​មិន​ទាន់​ទទួលបាន​ដំណោះស្រាយ​សមស្រប​ករណី​ជម្លោះ​ដីធ្លី​ពួកគាត់​៕
សូមសរសេរមកលោក ពៅ មេត្តា តាមរយៈ minpov@vodhotnews.com
Contact Special Reporter on 086558981 or email:  leangcnrp777@gmail.com

No comments: