លោកនាយករដ្ឋមន្ត្រី ហ៊ុន សែន
Photo: RFA
ប្រមុខរដ្ឋាភិបាល នៅថ្ងៃទី១ ខែកក្កដា ប្រតិកម្មតបនឹងគណបក្សប្រឆាំង និងក្រុមអ្នកវិភាគ ដែលទាមទារជ្រើសរើសសមាសភាពគណៈកម្មាធិការជាតិរៀបចំការបោះឆ្នោត ដោយការបោះឆ្នោតយកសំឡេង២ភាគ៣ នៃសមាជិកសភា។
លោកនាយករដ្ឋមន្ត្រីបញ្ជាក់ថា ការចង់បានបែបនោះ គឺជាទស្សនៈដែលនឹងឈានទៅបញ្ចប់ដំណើរការលទ្ធិប្រជាធិបតេយ្យនៅកម្ពុជា។ ឆ្លើយតបមកវិញ អនុប្រធានគណបក្សប្រឆាំងអះអាងថា ការស្នើដោយបក្សកាន់អំណាចទេ ដែលចង់គ្រប់គ្រងអំណាចតាមលំនាំកុម្មុយនិស្ត។
លោកនាយករដ្ឋមន្ត្រី ហ៊ុន សែន ចាត់ទុកការទាមទារតាមរូបមន្ត២ភាគ៣ របស់បក្សប្រឆាំង ថាពុំមែនជាជម្រើសដែលចំណេញដល់កម្ពុជា ទេ តែជាការដាក់គំនាបធ្វើអោយដំណើរការលទ្ធិប្រជាធិបតេយ្យនៅកម្ពុជា ទៅជាជាប់គាំងទៅវិញទេ។ លោកនាយករដ្ឋមន្ត្រីថ្លែងបែបនេះ នៅក្នុងពេលដែលលោកដឹកនាំពិធីលែងកូនត្រី នៅក្នុងខេត្តកំពង់ឆ្នាំង នៅព្រឹកថ្ងៃទី១ កក្កដា។
«សំឡេង»
ប្រសាសន៍របស់លោកនាយករដ្ឋមន្ត្រី ធ្វើឡើងបន្ទាប់ពីអនុប្រធានគណបក្សប្រឆាំង លោក កឹម សុខា និងក្រុមអ្នកវិភាគ ដែលបានលើកឡើងក្នុងកិច្ចពិភាក្សានៃវិទ្យុអាស៊ីសេរី ដែលអះអាងថា ពួកគេចង់បានការជ្រើសតាំងសមាសភាព គ.ជ.ប តាមសំឡេង២ភាគ៣ ដើម្បីឲ្យ គ.ជ.ប មានភាពរឹងមាំ និងបម្រើផលប្រយោជន៍ជាតិ។
អនុប្រធានគណបក្សសង្គ្រោះជាតិ លោក កឹម សុខា មានប្រសាសន៍តបទៅលោកនាយករដ្ឋមន្ត្រី ហ៊ុន សែន វិញថា សំណើរបស់បក្សប្រឆាំង គឺដើម្បីដោះស្រាយភាពជាប់គាំងនយោបាយ និងកំណែទម្រង់ស្ថាប័នបោះឆ្នោត។
«សំឡេង»
ក្រៅពីបញ្ហាសំឡេង២ភាគ៣ លោកនាយករដ្ឋមន្ត្រី ហ៊ុន សែន បន្តបញ្ជាក់ថា រហូតមកដល់ពេលនេះ គឺពុំមានការជាប់គាំងអ្វីឡើយ គឺរដ្ឋាភិបាលដំណើរការធម្មតា។ លោកព្រមានថា នឹងបន្តដំណើរការដល់បែបនេះរហូតដល់មានការបោះឆ្នោតជាថ្មី។
«សំឡេង»
លោក កឹម សុខា បានឆ្លើយតបដែរថា ជាទម្លាប់បន្តពីពេលមុនមក គណបក្សប្រជាជន គឺតែងចង់ដឹកនាំប្រទេសតាមបែបបក្សតែមួយ។
«សំឡេង»
ទាក់ទិននឹងបញ្ហានេះ អ្នកជំនាញផ្នែកវិទ្យាសាស្ត្រនយោបាយ លោក សុខ ទូច អះអាងថា រហូតមកដល់ពេលនេះ ក្នុងនយោបាយកម្ពុជា តម្រូវការសំឡេងភាគច្រើនដាច់ខាត គឺ ៥០បូក១ ឬ ២ភាគ៣ គឺជាដើមចមនៃភាពជាប់គាំងទាំងអស់។ លោកថា បានស្នើនូវវិធានការចំនួនបី ដែលអាចប្រើប្រាស់សម្រាប់ដោះស្រាយបញ្ហាទៅថ្ងៃអនាគត ក្នុងនោះរួមមាន ត្រូវសម្របសម្រួលដោះស្រាយបញ្ហាជាប់គាំងក្នុងពេលបច្ចុប្បន្ន។
«សំឡេង»
អ្នកវិភាគបានស្នើអោយអ្នកនយោបាយ ត្រូវដោះស្រាយបញ្ហាដោយប្រតិបត្តិច្បាប់ មិនគួរផ្អែកតែទៅលើឆន្ទៈនយោបាយ ត្បិតដំណោះស្រាយប្រភេទនោះ គឺនឹងប្រឈមនឹងភាពជាប់គាំងនយោបាយ៕
No comments:
Post a Comment